خلاصه الكلام

بيدخل كلية الهندسه ,حتي لو بالفلوس،
بيغير حياته 180 درجه

ويحط حرف ال Eng جمب اسم الاكونت

وابوه يجيب ميكروفون ويقول المهندس راح

المهندس جه
وماينفعش تنده بأسمه
او تقوله استاذ كذا لا لازم تقولو يابشمهندس ,
بس هما احرار !




بتدخل كلية الطب , بتخسر كل أصحابك

اللى دخلو كليات متوسطه حتى لو تعرفهم

من ابتدائى
وبتبدأ تتعرف على ناس يكونو من نفس مستواها,
بس هو حر !




بمجرد دخوله الكلية الحربيه او كلية الشرطة ,

مناخيره بتترفع لفوق تلقائيا ,
ومش هو لوحده ده عيلته كلها بتغير اساميها ,

واى حد ليه علاقه بيه بيغير اسمه ,
صاحب الظابط , ابن عم الظابط ,
حبيبة الظابط , اخت الظابط , حظااااااابط !




طالب تجاره انجلش

انت ممكن تقوله انت عندك عقم مابتخلفش
وممكن يتقبل الموضوع
ولا انك تقارنه بطالب تجاره عربى نهائى ,

هتلاقى قنبله شتايم خرجت في وشك

ليه يابن الناس تقارنه

بواحد بيدفع 750 جنيه فى السنه
وهو بيدفع 10 الاف
لمجرد ان اللى بيدرسه بالانجلش

هناك بيدرسه بالعربى ,
بس لا انت عايز تقارنى بواحد

الفرق بينى وبينه 40 الف جنيه !
مايجبوش تمن عربيه 128 .






بلد 90% من اهلها

ماشين بمبدأ بنتنا ماتتجوزش الا مهندس او دكتور ,
المهندس للمهندسه والدكتور للدكتورة

والدكتورة ماتاخدش اقل من مهندس او دكتور
او ظابط شرطه ,
وفى عائلات مابياخدوش غير ظباط جيش ,
اه والله ,

وفى عائلات مابتدخلش حد بينها
الا اذا كان مهندس

عشان يبقا اسمهم عيلة المهندسيـن
وماحدش يضيع شرف العيله .




اللى معاه ايفون بيشوف نفسه على اللى معاه سامسونج ,
اللى بيجيب بنطلون جامد بيتصور بيه 100 صورة

ولمده شهر يفضل يتصل بصحابه :
اى يازميلى
مش انا جبت بنطلون من زارااااا اه

والله زى مبؤلك تعالا يلا نخربها فى وسط البلد,
بتجيب قلم روج من ماك ولا كوتش من Nike

ويجى عليه شوية تراب ماتشوفهمش
الا بالعين المجرده
فا تروح تكتب ع الفيس ياريت الناس

اللى مركزة فى حياتى تكون مبسوطه دلوقتى !






اول مابيخطب بيبدأ يعتزل صحابه

ويختفى عنهم

و لو قعد معاهم مرة يحسسهم انه العاقل الوحيد
والناضج الأوحد
اول ما بتتخطب تفضل تتكلم بأديها كتير
وكل ما تكلم صحباتها

تقلهم خطيبى راح خطيبى جه
وكأنها مخطوبة لـ ظافر عابدين






انتوا من اول مابتصحوا لحد مابتناموا
بتفطروا وتتغدوا وتتعشوا عنصرية ,
انتوا اكتر شعب بيعشق الماديات
وبيعشق ان يكون ليه نفوذ وسلطه ,
اللى معاه عربية - كاميرا - ايفون

اكتر واحد هتلاقيه مسستم حياته
على عدد ناس معينه

اللى هو انا وصلت لطبقه الناس
اللى معاها عربيات

يبقى اعرف ناس معاها

عربيات ماينفعش انزل اقل من كدا ,
لو جتلك الفرصه اللى تشهر بيها عنصريتك
بتشهرها علي حساب غيرك من غير ماتاخد بالك






بلاش النقص الي عندنا يغيرنا للاسوء .
ويخلينا مكروهين في وسط الناس ،
بلاش تتكبر علي حد
لمجرد إن ربنا كرمك بحاجة مش مع غيرك ،
عشان ممكن في يوم زي ما ربنا إدهالك ،
ياخدها منك ويخسفك لسابع ارض .



صدقني حُب الناس عمره ما كان بفلوس
ولا بجاه ولا بـ عز ،
حُب الناس برضي ربنا ،
وإخلاقك ، ودعوات امك وابوك ، غير كدا كله تراب .
دا ‏الشبع في العين مش في البطن،
والغنى في النفس مش في الجيب،
والحلو في الروح مش في الشكل.✋ï؟½ï؟½
وشكرا لكل شخص تعب وكمل قراءه للاخر

سما معجب بهذا

حسن سعيد معجب بهذا

عاشت ايدك ياباش مهندس حسن ههههههههه
اني كملت قراءة الموضوع ��
لانو موضوع رائع فعلا
ولأنو بنمر فيه كثيرا
أصبحت عنصريتنا تتجاوز ما ذكرت بكثير
بس عندي إستفسار واحد اشمعنا ظافر عابدين ههههههه
الله يعطيك العافية مواضيعك دوما تجلب المتعه والفائدة
لا تحرمنا جديدك
تقديري

حسن سعيد معجب بهذا

ايه
اسعدنى مرورك العطر
على الصفحات
تحياااتى

سما
اسعدنى مرورك العطر
على الصفحات
هههههههههههههه
ظافر العابدين هو الاسم الحقيقى
درس في جامعة برمنغهام
ممثل سينمائى تونسى ظهر فى افلام اجنبية
ولاعب كورة سابق
وعارض ازياء
شكلو حلو يعنى جميل
هههههههههه
دى صورته

سما معجب بهذا

عن نفسي اشوف أحمد عز
أو عمرو يوسف أجمل هههههههههه وأكثر كريزما
اول مرة اعرف انو ظافر عابدين لاعب كرة وعارض ازياء
دوم انا وأختي في عراك بسببه
لانها بتحب ظافر عابدين وخابصتنا فيه خبص ..بين قوسين مجنونه فيه .. يعني داوشتنا مثل ماتقولون هههههههههههه
شكرا للمعلومات والإيضاح